Resumo da Ruta polo Miño 3 - Salvaterra (27/4/25)

  A cuarta da rutas da tempada de Primavera'25 de Camiño a Camiño promovida pola Concellería de Medio Ambiente de Vigo achegouse a Salvaterra e o Río Tea, dentro da serie de percorridos a carón do Río Miño. 

Ao circular por Rede Natura 2000 dividiuse en tres grupos a ruta, achegándose ás particularidades do río Tea, un dos afluentes máis destacados no tramo final do río Miño. Aparte de gozar dun bosque de ribeira moi agraciado e a historia da illa da Fillaboa, puidemos comprobar en directo a tradición da "estacada" como forma de capturar a lamprea.

Xa durante a circulación polo río Miño atravesouse o Parque da Canuda, un espazo moi chamativo pola parte botánica e polas curiosas marcas que indican o nivel da auga en distintos momentos dos últimos 25 anos. Posteriormente pasouse por diante da ponte internacional -que posibilitou a creación da Eurorrexión Monçao-Salvaterra de Miño-, da fortaleza de Salvaterra -mostra da época da rivalidade fronteiriza con Portugal-, das pesqueiras do río Miño e das augas termais de Salvaterra

Rematou o percorrido diante de Áridos do Mendo, onde se puido comprobar como se obteñen áridos que se acumularon nos último millóns de anos polo arrastre do río e, particularmente, se comentou a curiosa obtención de terras raras neste lugar.

Ver ALBÚM FOTOGRAFICO e de seguido algunhas das instantáneas máis representativas: