A segunda da rutas da tempada de Primavera'25 de Camiño a Camiño promovida pola Concellería de Medio Ambiente de Vigo achegouse a Cortegada, dentro da serie de percorridos a carón do Río Miño.
Houbo ocasión de comprender a orixe e características do Río Miño, abordando temáticas que se poideron ver directamente sobre o terreo: as augas termais, os meandros do tramo medio, os encoros e a modificación da paisaxe, o tránsito entre as dúas beiras do río, etc.
Polo camiño comprobouse a riqueza natural do bosque de ribeira, particularmente deténdose nas chamativas sobreiras existentes e na variedade de especies botánicas, incluído a penetración crecente da mimosa.
Ver ALBUM FOTOGRÁFICO e de seguido algunhas das instantáneas máis representativas:
