Os percorridos a carón do Río Miño rematan o domingo 4 de maio na desembocadura, coa perspectiva das vistas do monte Santa Trega. Esta serie de visitas enmárcanse no programa Camiño a Camiño de Primavera 2025, promovida pola Concellería de Medioambiente de Vigo.
Algunhas dos descubrimentos que faremos é porqué o río Miño é o único río galego que non desemboca nunha ría ou a teoría de que a súa desembocadura nalgún momento estivo máis ao norte. Ademáis, como non, aproximarémonos á paisaxe fronteiriza e as súas historias e algúns dos problemas medioambientais que se están vivindo últimamente no tramo final do río coa presenza de algas invasoras.
Despois desta ruta damos paso á X Andaina polos montes de Vigo (que se presentará o 30 de abril e subiremos toda a información a esta web para poderse inscribir dende ese momento), así como a dúas visitas á Cies (o prazo para a segunda ábrese o martes 29 de abril), para rematar o sábado 31 de maio coa Ruta Nocturna polo Galiñeiro (inscrición a partir do 26 de maio)
INSCRICIÓN (gratuíta)
- Dende luns 28 de abril, no 010 (986 81 02 60 dende o móbil). Empadroados: de luns a mércores, de 8:00 a 20:00. Non empadroados: xoves previo á actividade.
- Criterio de participación: unha mesma persoa non poderá asistir a dúas actividades consecutivas, agás que, atopándose en lista de agarda que se abre o mércores pola mañá, quedasen prazas dispoñibles o mércores a partir das 15 horas. Nese caso seralle comunicado na tarde do propio mércores previo á actividade. Tamén se establece en tres o número de persoas que se poden inscribir en cada chamada ao 010 (986810260 dende móbil), agás unidades familiares con máis dun fillo.
- No caso de non poder asistir unha vez inscrito/a, hase de comunicar en info@caminoacaminovigo.org para así convocar á lista de agarda. Lembrar que hai que facelo antes do venres as 13:00 para que haxa tempo de activar a inscrición do novo participante.
RUTA 5 de Camiño a Camiño Primavera 2025:
Río Miño 4: Desembocadura do Río Miño - Santa Trega
✔ Domingo 4 de maio, xornada de mañá
🏁 Punto de Encontro: Praza do Rei. Traslado en autobús discrecional (gratuíto)
👀 Hora de rexistro de entrada: 8:30. Hora de saída: 9:00. Hora de finalización 14:00-14:30 (aprox)
🏃 Distancia: 10 km | Dificultade media-alta (atendendo ao público de Camiño a Camiño)
Nota: Está previsto realizar o percorrido en grupos de 50 persoas cada un, co que se realizarán tres saídas distintas: Grupo 1 dende A Guarda sentido a Santa Trega, Grupo 2 dende Santa Trega sentido á Guarda, e Grupo 3 dende a desmbocadura sentido a Santa Trega (7,6 km)
👉 Recomendación: levar bastóns, botas que soporten auga e capa (no caso de previsión de choiva), así como auga para hidratarse en ruta e tentempé para media mañá.
🗾 Trazado e alzado:
- En vermello o trazado A Guarda - Santa Trega, 10 km (Grupos 1 e 2)
- En laranxa o trazado Desembocadura Río Miño - Santa Trega, 7,6 km (Grupo 3)
Nota: o alzado recolle o percorrido do Grupo 2 (Santa Trega - A Guarda)
