Percorrido por Salvaterra do Miño e Río Tea dentro da serie a carón do Río Miño do programa Camiño a Camiño de Primavera 2025, promovida pola Concellería de Medioambiente de Vigo.
Achegarémonos á raia húmeda entre Galicia e Portugal, con vistas dende Salvaterra a Monçao, e circulando polo último dos grandes afluentes do Miño: o Río Tea, que nace na Serra do Suído. Estamos en zona de protección de Rede Natura 2000 e polo tanto nun chamativo espazo medioambiental con atractivos curiosos como a Fortaleza, os Areais de Mendo ou as estacadas para a pesca da lamprea (ver VIDEO).
 |
| Vistas do Río Miño en Frieira |
INSCRICIÓN (gratuíta)
- Dende luns 21 de abril, no 010 (986 81 02 60 dende o móbil). Empadroados: de luns a mércores, de 8:00 a 20:00. Non empadroados: xoves previo á actividade.
- Criterio de participación: unha mesma persoa non poderá asistir a dúas actividades consecutivas, agás que, atopándose en lista de agarda que se abre o mércores pola mañá, quedasen prazas dispoñibles o mércores a partir das 15 horas. Nese caso seralle comunicado na tarde do propio mércores previo á actividade. Tamén se establece en tres o número de persoas que se poden inscribir en cada chamada ao 010 (986810260 dende móbil), agás unidades familiares con máis dun fillo.
- No caso de non poder asistir unha vez inscrito/a, hase de comunicar en info@caminoacaminovigo.org para así convocar á lista de agarda. Lembrar que hai que facelo antes do venres as 13:00 para que haxa tempo de activar a inscrición do novo participante.
RUTA 4 de Camiño a Camiño Primavera 2025:
Río Miño 3: Río Tea - Salvaterra de Miño
✔ Domingo 27 de abril, xornada de mañá
🏁 Punto de Encontro: Praza do Rei. Traslado en autobús discrecional (gratuíto)
👀 Hora de rexistro de entrada: 8:30. Hora de saída: 9:00. Hora de finalización 14:00-14:30 (aprox)
🏃 Distancia: 11 km | Dificultade media-baixa (atendendo ao público de Camiño a Camiño)
Nota: Dado que estamos en Rede Natura 2000 a autorización dispoñible por parte de Patrimonio Natural é para facer o percorrido en grupos de 50 persoas cada un, co que se realizarán tres percorridos distintos.
👉 Recomendación: levar bastóns, botas que soporten auga e capa (no caso de previsión de choiva), así como auga para hidratarse en ruta e tentempé para media mañá.
🗾 Trazado e alzado:
