Continuando cos percorridos a carón do Río Miño dentro da programación de Camiño a Camiño de Primavera 2025, promovida pola Concellería de Medioambiente de Vigo, achegarémonos á raia seca entre Galicia e Portugal dende a Frieira, á altura do marco nº 1 (punto máis ao norte do veciño país). Por suposto haberá ocasión de falar do contrabando da posguerra e o contexto no que se desenvolveu.
Proseguiremos pola fronteira marcada polo Rio Troncoso, afluente do Miño. Logo circularemos pola beira do Río Miño durante a cola do encoro de Frieira ata a concluencia co afluente Río Deva, tentando comprender o impacto sobre a paisaxe dende diversos puntos de observación. Dende o polígono de Trado, onde se comerá, aqueles que se sintan con forzas subirán ao miradoiro do banco "Descobre Padrenda", onde se contemplará con todo explendor o "Pai Miño".
 |
| Vista do entorno do Encoro da Frieira na proximidade do marco nº 1 de Portugal |
INSCRICIÓN (gratuíta)
- Dende luns 7 de abril, no 010 (986 81 02 60 dende o móbil). Empadroados: de luns a mércores, de 8:00 a 20:00. Non empadroados: xoves previo á actividade.
- Criterio de participación: unha mesma persoa non poderá asistir a dúas actividades consecutivas, agás que, atopándose en lista de agarda que se abre o mércores pola mañá, quedasen prazas dispoñibles o mércores a partir das 15 horas. Nese caso seralle comunicado na tarde do propio mércores previo á actividade. Tamén se establece en tres o número de persoas que se poden inscribir en cada chamada ao 010 (986810260 dende móbil), agás unidades familiares con máis dun fillo.
- No caso de non poder asistir unha vez inscrito/a, hase de comunicar en info@caminoacaminovigo.org para así convocar á lista de agarda. Lembrar que hai que facelo antes do venres as 13:00 para que haxa tempo de activar a inscrición do novo participante.
 |
| O salto da Frieira é o último encoro do Río Miño |
RUTA 3 de Camiño a Camiño Primavera 2025:
Río Miño 2: Encoro da Frieira e marco nº 1 de Portugal
✔ Domingo 13 de abril, día completo
🏁 Punto de Encontro: Praza do Rei. Traslado en autobús discrecional (gratuíto)
👀 Hora de rexistro de entrada: 8:30. Hora de saída: 9:00. Hora de finalización 19:00-20:00 (aprox)
🏃 Distancia: 15 km | Dificultade media-alta (atendendo ao público de Camiño a Camiño)
Nota: O percorrido da mañá será aproximadamente de 10km e o da tarde de 5km, sendo este último opcional.
👉 Recomendación: levar bastóns, botas que soporten auga e capa (no caso de previsión de choiva), así como auga para hidratarse en ruta, tentempé para media mañá e comida para mediodía.
🗾 Trazado e alzado:
