O 30 de marzo bota a andar a programación de Camiño a Camiño de Primavera 2025 promovida pola Concellería de Medioambiente de Vigo, que ten previsto actividades ata o 31 de maio. Nesta edición o reto é combinar percorridos por Vigo (río Lagares, Illas Cíes e Nocturna de Galiñeiro) e polo entorno do Río Miño. Toda a programación AQUÍ.
Imaxe da interpretación no Parque de Castrelos en 2023
Na primeira etapa de Camiño a Camiño, o 30 de marzo, coñeceremos de preto o novo tramo da Senda Azul do Río Lagares, entre Cabral e Castrelos. Terase ocasión de atopar novidades importantes en relación coa última vez que realizamos ese percorrido na medida en que o Concello de Vigo realizou unha intervención importante neste trazado para facela fácilmente transitable e pór en valor lugares chamativos.
AVISO: Lembrarse que nese día ten lugar o cambio de hora.
INSCRICIÓN (gratuíta)
- Dende luns 24 de marzo, no 010 (986 81 02 60 dende o móbil). Empadroados: de luns a mércores, de 8:00 a 20:00. Non empadroados: xoves previo á actividade.
- Criterio de participación: unha mesma persoa non poderá asistir a dúas actividades consecutivas, agás que, atopándose en lista de agarda, quedasen prazas dispoñibles o mércores a partir das 15 horas. Nese caso seralle comunicado na tarde do propio mércores previo á actividade. Tamén se establece en tres o número de persoas que se poden inscribir en cada chamada ao 010 (986810260 dende móbil), agás unidades familiares con máis dun fillo.
- No caso de non poder asistir unha vez inscrito/a, hase de comunicar en info@caminoacaminovigo.org para así convocar á lista de agarda. Lembrar que hai que facelo antes do venres as 13:00 para que haxa tempo de activar a inscrición do novo participante.
RUTA 1 de Camiño a Camiño Primavera 2025:
Senda Azul do Río Lagares - Tramo Cabral-Catrelos
✔ Domingo 30 de marzo
🏁 Punto de Encontro: Praza do Rei. Traslado en autobús discrecional (gratuíto)
👀 Hora de rexistro de entrada: 8:30. Hora de saída: 9:00. Hora de finalización 13:00-14:00 (aprox)
🏃 Distancia: 8 km | Dificultade media-baixa (atendendo ao público de Camiño a Camiño)
👉 Recomendación: levar bastóns, botas que soporten auga e capa (no caso de previsión de choiva), así como auga para hidratarse en ruta.
🗾 Trazado e alzado:
