A Concellería de Medio Ambiente e o Centro Municipal de Protección Animal de A Madroa (Refuxio de A Madroa) bota a andar dende o 15 de febreiro o programa de voluntariado de paseos e acompañamento de cans, dándolle continuidade a actividade que se leva facendo dende o ano 2018.
Horarios de actividade:
Nesta edición de 2025 está previsto que os paseos que se realicen polo entorno do Sendeiro Local de Candeán en horario ampliado, agás días festivos:
- Mércores, de 9:30 a 12:30
- Sábados de 9:00 a 11:00 (novo horario)
Ver NORMATIVA de funcionamento da actividade
Asemade, para as persoas que teñan feito o Curso de Iniciación ao Voluntariado Medioambiental e asinado o acordo de voluntariado a partir de 2024 establecerase un sistema de participación rotativo de forma que o voluntariado participante defina as súas preferencias de horario e se conformen grupos en función da dispoñibilidade de cans para pasear que defina o Refuxio de A Madroa. Para inscribirse nalgún dos horarios habilítase o seguinte FORMULARIO.
Nota: Voluntariado previo a 2024 que xa participara no programa durante a edición anterior poderá actualizar o Acordo de voluntariado no Curso que se indica abaixo ou o primeiro día que se inscriban no formulario (necesario levar copia de DNI polos dous lados). Neste último caso, non seleccionar o apartado de ter o acordo actualizado.
Curso de iniciación ao voluntariado medioambiental específico.
Por outra banda, dada a elevada demanda existente de participación, está previsto realizar un Curso de iniciación ao voluntariado medioambiental específico. No curso abordarase a formación xeral de voluntariado ambiental e contidos específicos do voluntariado de paseo e acompañamento de cans.
O requisito para participar neste curso é estar empadroado/a en Vigo e ser maior de idade, así como levar unha copia do DNI polos dous lados para entregar á Oficina de Voluntariado do Concello de Vigo xunto co Acordo de voluntariado que se asine. Asemade, neste curso actualizaran o acordo de voluntariado aquelas persoas que o teñan asinado previamente a 2024.
Inscrición do Curso: realizase a través do 010 (986810260 dende móbil) ata o martes 18 de febreiro.
Data e horario do Curso: mércores 19 de febreiro, de 16:30 a 18:30, nas instalacións de Vigo Nature (antiguo Vigozoo).
Nota: para persoas interesadas e que non poidan participar neste curso que teñan en conta que na programación de Camiño a Camiño de Primavera 2025 está previsto outro curso para todos os programas de voluntariado o mércores 26 de marzo, co mesmo horario e localización.
