A quinta etapa da programación de Camiño a Camiño de primavera'24 promovida pola Concellería de Medioambiente de Vigo, está prevista a carón do Río Lérez e terá lugar o domingo 21 de abril. Será o segundo percorrido medioambiental polos ríos da provincia de Pontevedra
Nesta ocasión, ao ser un percorrido trazado en entorno periurbano, realizarase de forma conxunta por todos os participantes, arrancando do ENIL da Xunqueira de Alba para logo introducirnos na fermosa senda a carón do río Lérez.
INSCRICIÓN (gratuíta)
- Dende luns 15 de abril, no 010 (986 81 02 60 dende o móbil). Empadroados: de luns a mércores, de 8:00 a 20:00. Non empadroados: xoves previo á actividade.
- Criterio de participación: unha mesma persoa non poderá asistir a dúas actividades consecutivas, agás que, atopándose en lista de agarda, quedasen prazas dispoñibles o mércores a partir das 15 horas. Nese caso seralle comunicado na tarde do propio mércores previo á actividade. Tamén se establece en tres o número de persoas que se poden inscribir en cada chamada ao 010 (986810260 dende móbil), agás unidades familiares con máis dun fillo.
- No caso de non poder asistir unha vez inscrito/a, hase de comunicar en info@caminoacaminovigo.org para así convocar á lista de agarda. Lembrar que hai que facelo antes do venres as 13:00 para que haxa tempo de activar a inscrición do novo participante.
RUTA RÍO RÍO LEREZ E XUNQUEIRA DE ALBA
✔ Domingo 21 de abril
🏁 Punto de Encontro: Praza do Rei. Traslado en autobús discrecional (gratuíto)
👀 Hora de rexistro de entrada (grupo único): 8:30. Hora de saída a medida que se enchan os autobuses. Hora finalización 14:00-15:00 (aprox)
👉 Recomendación: levar bastóns, botas que soporten auga e auga para hidratarse
🗾 Trazado:
🏃 Distancia, desnivel e dificultade dos percorridos según público de Camiño a Camiño:
. Saída única: 10,7 km; Dificultade baixa
