O 15 de outubro está prevista a segunda visita de Camiño a Camiño de outono 2023 promovida pola Concellería de Medioambiente de Vigo, que terá lugar próxima a O Carballiño, comarca do Ribeiro.
Nesta visita ao Ribeiro teremos ocasión de coñecer o entorno próximo a O Carballiño, polo que circula a Ruta Natural dos Arrieiros. Tamén teremos ocasión de poder ofondar na Denominación de Orixe do Ribeiro e doutras producións agrícolas da comarca como, por exemplo, o pemento.
INSCRICIÓN (130 prazas por ruta, gratuíta)
- Dende luns 9 de outubro, no 010 (986 81 02 60 dende o móbil). Empadroados: de luns a mércores, de 8:00 a 20:00. Non empadroados: xoves previo á actividade.
- Novo criterio de participación: unha mesma persoa non poderá asistir a dúas actividades consecutivas, agás que, atopándose en lista de agarda, quedasen prazas dispoñibles o venres a partir das 15 horas. Nese caso seralle comunicado na tarde do propio venres previo á actividade. Tamén se establece en tres o número de persoas que se poden inscribir en cada chamada ao 010 (986810260 dende móbil), agás unidades familiares con máis dun fillo.
- No caso de non poder asistir unha vez inscrito/a, hase de comunicar en info@caminoacaminovigo.org para así convocar á lista de agarda. Lembrar que hai que facelo antes do venres as 13:00 para que haxa tempo de activar a inscrición do novo participante.
O CONSUMO DE PRODUTOS DE PROXIMIDADE. VISITA 2: O RIBEIRO - ENTORNO DE CARBALLIÑO (día completo)
✔ Domingo 15 de outubro
🏁 Punto de Encontro: Praza do Rei. Traslado en autobús discrecional (gratuíto)
👀 Hora de rexistro de entrada: 8:30. Hora de saída: 9:00. Hora finalización 19:00-20:00 (aprox)
🏃 Percorrido de todo o día: 13,3 km | Pendente media 7,8%, -7,4% | Dificultade media-alta.
👉 Recomendación: levar bastóns, calzado de sendeirismo e reposto de auga para todo o día, así como o xantar.
🗾 Trazado e Alzado:
