A celebración do VII Día dos Montes de Vigo, organizado pola Concellería de Medio Ambiente de Vigo, en colaboración con Montes de Vigo, resultou altamente satisfactoria en termos dos participantes. Iniciábase o día con moitas dúbidas, pero finalmente poidose gozar dun interesante día de sendeirismo entre os montes de Zamáns e de Valladares, para culminar en Monte dos Pozos con actuacións musicais e a presenza do Alcalde, Abel Caballero.
Ver Reportaxe fotográfica (AQUI) e nova en Faro de Vigo (AQUI)
En total máis de 500 persoas participaron das 700 inscritas. A tormenta de pola noite desincetivou a participación de moitos participantes, particularmente do sector familiar. Aquelas persoas inscritas que se atreveron a desafiar ao tempo, finalmente atopáronse cun día perfecto para realizar as cinco rutas previstas, na que se fixeron tramos de 18, 11, 7, 5 e 1,5 km, con distintos niveis de dificultade.
Na presentación dos percorridos, na que estivo presente a Concelleira de Medio Ambiente, Nuria Rodríguez, e o presidente da Mancomunidade de Montes de Vigo, Uxío González, propúxose aos participantes coñecer de preto o proceso de rexeneración dos montes queimados en 2017, así como os valores medioambientais, patrimonitais e paixasísticos que habitualmente se atopan en calquera comunidade de montes do anel verde de Vigo. De seguido algunhas instantáneas:
.jpeg)
Os xogos familiares, as danzas do mundo e a música da banda de Gaitas de Pardavila completaron o VII Día dos Montes de Vigo 2022:
