A cuarta e derradeira etapa da serie de percorridos interpretativos "Serras a carón de Vigo", dentro da programación de Outono'21 de Camiño a Camiño (Concellería de Medioambiente de Vigo), terá lugar pola Serra do Galiñeiro.
A andaina vai ser de 10,8 km, de dificultade media e con dous variantes (ver Características técnicas). Contemplaremos, se o tempo acompaña, as panorámicas do sur de Vigo e as particularidades xeolóxicas desta serra tan controvertidas.
Como sempre a inscrición realízase a través do 010 (986810260 dende móbil) e, unha vez se dispoña de praza, realizarase o pago do desprazamento (ver Inscrición e Pago)
INSCRICIÓN E PAGO (100 prazas)
- INSCRICIÓN: Dende martes 2 de novembro, no 010 (986 81 02 60 dende o móbil). Empadroados: de luns a mércores, de 8:00 a 20:00. Non empadroados: xoves previo á actividade. Achega 3 euros (menores de 12 anos: 50%)
- PAGO:
a) A través da sede electrónica do Concello de Vigo (PULSAR AQUI). Pódese consultar a guía de funcionamento AQUI. Pódese realizar dende o martes 2 de outubro.
b) Solicitando a carta de pagamento na Concellería de Medio Ambiente (2º andar do Concello) de 9:00 a 13:30. Logo abonarase a achega na oficina de Abanca da lonxa do Concello.
SERRA DO GALIÑEIRO (Características técnicas)
✔ Domingo 7 novembro
🏁 Punto de Encontro: Praza do Rei (marquesina de autobús)
👀 Hora de rexistro de entrada: 8:30. Hora de saída: 9:00. Hora finalización 14:00 (aprox)
🏃 Percorrido: 10,8 km; altura mín/max: 359m / 704m; pendente media 8,0% / -8,3%; pendente máxima 26,3% / -26,4%; incremento/perda de elevación: 469m/-469m; dificultade media
Nota: O grupo da ruta corta non subirá á Loma da Zorra, evitando así un desnivel importante e reducindo o percorrido en aproximadamente un kilómetro.
👉 Recomendacións: calzado de sendeirismo, bastóns, gorra, roupa de abrigo e cortaventos, comida e auga para 4 horas.
