Nesta edición de "Na primavera, pasea polos montes de Vigo" imos ter que engadir "con incertidume climatolóxica". Outra vez ameazaba dende o sábado e finalmente resultou unha mañá moi interesante para coñecer un dos sendeiros locais menos coñecidos e non por ilo menos atractivo: o de Cabral.
Nesta ocasión os paseos interpretativos de Camiño a Camiño (Concellería de Medio Ambiente en colaboración con Montes de Vigo e Agrupación de Centros Deportivos e Culturais de Vigo) permitiron coñecer de preto en que consiste unha xestión mixta do monte cun destacado resultado. Tamén houbo ocasión para achegarse a algunhas curiosidades (o arboreto de detrás do IFEVI, o parque forestal de Cotogrande, etc) tanto en termos de flora como en termos de vistas panorámicas, tanto para a Ría de Vigo como para o Val do Louro. Para moitos dos e das participantes resultou unha verdadeira sorpresa o que se atoparon.
Nas seguintes fotos recóllense algunhas mostras (PREMER para ver álbum completo).
