Inmillorable peche para os paseos interpretativos de Camiño a Camiño (Concellería de Medio Ambiente): ceos despexados e temperatura moi agradable. Ademáis, realizouse un autentico exercicio de achegamento á paisaxe, cun análise tanto forestal como histórico.
Nesta edición de "No outono, subimos ao monte" circulouse polos montes de Coruxo o sábado, e o domingo polo de Saíans. No caso de Coruxo poidose comprobar como estaba o monte despois dos lumes de 2017 e o lento proceso de rexeneración. No caso de Saiáns tivemos a ocasión de ver un exemplo de monte multifuncional, con amplos sectores adicados á conservación do bosque e a difusión da cultura tradicional. Ver de seguido os enlaces aos albumes correspondentes.
No acto de peche estivo presente o Sr. Alcalde de Vigo, Abel Caballero, que quixo ver de primeira man como se estaba a realizar un programa que combina contacto coa natureza en plena época covid en colaboración coa Mancomunidade de Montes de Vigo, coa realización de actividades musicais por parte da Agrupación de Centros Deportivos e Culturais de Vigo. Visto o éxito de convocatoria, onde moita xente non poido acceder dada a limitación de prazas propia da época, o Alcalde anunciou que en 20 días arrancaría unha ampliación do programa para darlle continuidade.
Fotos SL Coruxo (sábado 10)
De seguido tendes o enlace para o resumo fotográfico do paseo polo sendeiro local de Coruxo e as actuacións correspondentes (PREMER), así como algunha mostra de seguido.
Fotos SL Saiáns (domingo 11)
De seguido tendes o enlace para o resumo fotográfico do paseo polo sendeiro local de Matamá-Comesaña e as actuacións correspondentes (PREMER), así como algunha mostra de seguido.
