A Concellería de Medio Ambiente de Vigo ten previsto dar a coñecer a Programación de Outono 2020 de Camiño a Camiño o vindeiro xoves 10 de setembro, no que se recollen as actividades previstas para a temporada no tocante a percorridos medioambientais.
Como avance, tal e como recollen os medios de comunicación, achegamos os paseos interpretativos recollidos baixo o lema "No outono, sube ao monte", no que en colaboración con Montes de Vigo e a Agrupación de Centros Deportivos e Culturais de Vigo haberá unha intensa actividade de educación medioambiental e de difusión cultural.
