Na segunda semana de outubro: Andaina polos montes e cursos de hortas

Nesta segunda semana de outubro, a Concellería de Medio Ambiente de Vigo proponche participar o xoves 10 de outubro, pola tarde en Vigozoo, no Curso básico de hortas urbanas e na Charla sobre Compostaxe. O domingo 13, pola mañá, a proposta é participar na II Andaina pola rexeneración dos montes de Vigo.

Inscrición no 010 (986 81 02 60 dende móbil) dende o luns 7 de outubro.

Toda a información da programación nesta web e no programa (PREMER)


II Andaina pola rexeneración dos montes de Vigo (domingo, 13 de outubro, 9:00 na Praza do Rei, Volta sobre as 14:00) 
Con motivo do segundo aniversario dos devastadores lumes de outubro de 2017, a Concellería de Medio Ambiente xunto con Montes de Vigo, organizan esta andaina que serverá para coñecer de preto como se atopan na actualidade os montes queimados en Valladares, Matamá, Comesaña e Coruxo. Tamén se dará a coñecer que actuacións se teñen levado a cabo e o que está previsto a futuro, tendo en conta que calquera actuación de rexeneración require bastante tempo.

Como se ve no mapa de abaixo, a Andaina é circular e arranca do Monte dos Pozos, para pasar polo Parque Forestal de Maruxento (Matamá) e ver algunhas das actuacións que xa se levan feito. Logo encamíñase á falda do Parque Forestal de Aguieira (Comesaña) para logo volver a Monte dos Pozos. En total a distancia son 9,1 km e para familias con nenos e persoas que queiran menos percorrido, farase unha versión reducida.

Curso de Hortas urbanas e Charla sobre compostaxe

- Curso básico de hortas urbanas (10 outubro, 16:30-19h, Vigozoo, 5 euros). Este curso habilita para participar nas hortas-escola do Concello de Vigo

- Charla "Compostaxe: métodos e trucos para horta, xardín e balcón" (10 outubro, 18-19:30h, Vigozoo, gratuíto). Poñente: Oliver Weiss, enxeñeiro agrónomo.

Para ambos cursos hai que facer a inscrición a través do 010 (986 81 02 60 dende móbil) dende o luns 7 de outubro ata o mércores 9 de outubro.