Todo o que empeza ten que acabar e así acontece coa Programación de primavera de Camiño a Camiño da Concellería de Medio Ambiente de Vigo. Nesta ocasión o peche é con broche de ouro ao xuntarse:
- As actividades aprazadas ás Illas Cíes: visita do 17 xuño e acampada familiar do 16-17 de xuño; coa incrición xa pechada. Lembrar que en calquera das dúas actividades cómpre estar na Estación Marítima as 8:45 para realizar todo o proceso de recollida do billete e poder embarcar as 10:00
- Visita ao Observatorio Astronómico de Forcarei (sábado 16, 20:00 na Praza do Rei): 100 prazas, aberta inscrición a partir do luns 11 de xuño no 010 -986810260 dende móbil-. Nesta ocasión é preciso estar na Praza do Rei as 20:00 para sair as 20:30 en autobus ata Forcarei.
O programa desta actividade, a cargo da Fundación Ceo, Ciencia e Cultura, consistirá en coñecer como son as instalacións do observatorio, mostrando exemplos do traballo realizado e respostanto ás múltiples preguntas que poidan xorder. Na parte superior do edificio, onde se atopa o telescopio, poderase ver como fai seguimento dos distintos obxectos celestes. Se as condicións metereolóxicas o permiten farase unha breve observación astronómica introdutoria ao recoñecemento das constelacións máis destacadas da época do ano.
- Conferencia en Vigozoo: "Astronomía e reloxos biolóxicos" a cargo de Ana Ulla Miguel (Astrofísica da Universidade de Vigo e colaboradora da Fundación Ceo, Ciencia e Cultura). Terá lugar o xoves 14 de xuño, 19:00, no salón de actos de Vigozoo, entrada libre ata completar aforo.
 |
| Programa para descargar |
