A programación de Camiño a Camiño da Concellería de Medioambiente de Vigo pecha abril con: Percorrido de día completo polo Pregamento de Campodola-Leixazós (domingo), Paseo polos montes de Candeán (sábado), Conferencia en Vigozoo sobre "O mundo das orquídeas" (xoves 26, 19h), e como sempre, con voluntariado (ver avisos) e hortas urbanas, en plena fase de preparación de bancais. Ademáis, o grupo do Courel realizará a súa ruta o sábado e o domingo.
Sendas a carón dos monumentos naturais en pedra: Pregamento de Campodola-Leixazós (Quiroga)
Esta cuarta senda permitiranos achegar ao espectacular Pregamento de Campodola-Leixazós (concello de Quiroga), que xunto co resto da Serra do Caurel é candidato a ser considerado Xeoparque pola Unesco.
Todos os participantes poderán contemplar o citado monumento xeolóxico, así como os que teñan a ben poderán visitar o Museo Xeolóxico de Quiroga (entrada 1 euro por grupos), cunha recopilación de información moi chamativa da xeoloxía da zona (ver enlace). Nesta ruta engadirase o grupo que o sábado foi ao Courel.
Dada as características de forte baixada por onde vai a discorrer o percorrido, optouse por ofrecer unha ruta alternativa polo entorno de Quiroga moito máis sinxela para que non queira facer a ruta principal:
a) Percorrido polo carón do Pregramento de Campodola-Leixazós, de dificultade media-alta polo pronunciado desnivel de baixada (pendente media 14% e pendente máxima 33%). Recomendable boas botas de camiñar e bastóns para facilitar o desprazamento.
b) Percorrido alternativo por Quiroga, de dificultade baixa. Neste caso, irase a ver o Pregamento de Campodola-Leixazós e, posteriormente, baixarase en autobús ata Quiroga e farase un percorrido moi interesante pola beira do rio ata desembocar ao río Sil. Poderase deixar a comida no autobús. Haberá tempo para visitar o Museo Xeolóxico e coñecer Quiroga.
Recomendacións: É importante levar boas botas, bastóns, roupa para a choiva e suficiente auga para todo o día. Tamén levar roupa e calzado de reposto por se chove (deixámolo no autobús)
A inscrición farase ata o mércores -non empadroados, o xoves- no 010 (986 81 02 60 dende móbil) e o pago da achega de 7 euros ata o venres as 13:00 a través da Sede Electrónica (aquí) ou recollendo os impresos de pago nas oficinas da Concellería de Medio Ambiente (2º andar, de 9 a 14h ata o xoves). Máis información do proceso de pago na seguinte guía de uso.
Paseos polos montes de Vigo: Sendeiro Local de Candeán
Seguindo cos paseos propostos pola Concellería de Medio Ambiente e a Mancomunidade de Montes de Vigo de cara a coñecer as riquezas medioambientais, paisaxísticas e patrimoniais existentes nos montes de Vigo, nesta ocasión toca achegarse aos montes de Candeán, no entorno do Parque Forestal de Vixiador. Un lugar moi agraciado na primavera.Punto de encontro: Cafetería do Parque Forestal do Vixiador (localización en Google Maps)
Hora de quedada: 16:30. Duración aproximada: 2:30 horas
Público destinatario: familias con menores, persoas interesadas no coñecemento dos montes de Vigo.
Temas a abordar: flora e fauna dos montes de Candeán, a ruta dos Dolmens, etc
Inscrición gratuíta de luns a venres a medio día no 010 (986 81 02 60 dende móbil) ou no apartado Inscricións do blog de montes de Vigo (premer aqui)
Máis información: montesdevigo.servizos@gmail.com ou no 662 23 10 23.
