Na edición de outono de Camiño a Camiño, da Concellería de Medio Ambiente, ímonos aproximar ao territorio costeiro das Rías Baixas para coñecer de preto como son as súas formas (praias, cantís, illas, itsmos, penínsulas, etc) e algunhas das características dos hábitats que se poden atopar no litoral. Tamén se aborará a formación das Rías e porque nelas se dan unhas condicións particulares para a vida.
Na primeira etapa pola Costa de Vigo faremos o percorrido entre Cabo Estai e Bouzas (9,4 km), se ben para os que se sintan con forzas proseguirase pola Enseada de Bouzas ata a Praza do Rei (13,4 km en total). A inscrición principia o luns 2 de outubro no 010 (986810260 dende o móbil) ata o mércores 5 de outubro, podéndose inscribir non empadroados/as o xoves 6 de outubro. A inscrición é gratuíta (máis info na solapa Inscrición, premer aqui)
Como novidade nesta edición, incorporaranse os/as participantes do Servizo municipal de montes accesibles, que poderán facer o tramo dende a Praia de Samil ata Bouzas (4,6 km). Neste caso a inscrición farase no teléfono 630619584.
Para quen lle poida interesar, a partir da vindeira semana poderase facer a inscrición para os cursos de hortas urbanas e para o curso de iniciación ao voluntariado medioambiental.
