Despois dun sabroso inicio pola Costa de Vigo, a segunda etapa dos percorridos pola Costa Atlántica de Camiño a Camiño vaise desenvolver pola Costa da Vela.
Verase o contraste de formacións da primeira parte do percorrido (praias, dunas, etc) coas da segunda parte (cantís expostos a mar aberto). Sairase dende Liméns para, unha vez atravesadas as famosas praias de Nerga e Barra, abordar Cabo Home e dirixirnos a comer a Donón. Unha vez alí, despois de comer, subirase ao Monte do Facho para posteriormente separarse en dous grupos.
O percorrido máis longo irá a Punta Couso a disfroitar da panorámica de 360º que se pode observar dende a cima da Punta, para logo retroceder ata Vilanova pasando pola praia de Area Brava. En total sobre 19 km.
O percorrido máis curto, de algo máis de 15 km, dende o Monte do Facho dirixirase cara Hío.
Esta etapa é de día completo, cunha achega de 7 euros. Os/as participantes inscritos no 010 (986810260 dende móbil) pecharán a inscrición na Praza do Rei o día da actividade. Recomendamos estar algo antes das 9:00, para resolver os trámites de pago.
Dado que a previsión inicial é de bo día, aparte de levar o xantar, é importante levar bastante auga para hidratarse. Tamén é preciso levar bo calzado de sendeirismo e bastón para apoiarse en zonas de dificultade de tránsito.
