Convocatoria de voluntariado medioambiental para Semana Santa nas Illas Cíes

A Concellería de Medio Ambiente e o Parque N. das Illas Atlánticas veñen desenvolvendo nos últimos anos un programa de voluntariado medioambiental nas Illas Cíes a partir de Semana Santa co obxectivo de contribuír á conservación do Parque.
En 2016 reedítase coa acción de Semana Santa, na que está previsto que se continúe coa repoboación de especies autóctonas, erradicación de especies exóticas, limpeza de espazos públicos e colaboracións en proxectos de conservación e investigación.

Quendas de voluntariado:
Quenda A: do 19 ao 22 de marzo (ata 50 prazas)
Quenda B: do 24 ao 27 de marzo (ata 50 prazas)
Nota: no caso de previsión climatolóxica adversa pódese suspender a acción con un día de anticipación ao inicio da actividade.

Proceso de inscrición:
- Requisitos
1. Ter feito o curso de iniciación ao voluntariado medioambiental da Concellería de Medio Ambiente.

2. Dispór de Acordo de voluntariado (no caso de faltar este requisito pódese completar en Casa da Xuventude)

- Inscrición entre o 9 e o 15 de marzo en Casa da Xuventude (López Mora 31, de 9 a 14 e de 17 a 20) ou enviando a ficha de inscrición a info@caminoacaminovigo.org.

Premer eiqui para descargar a ficha

Nota 1: Os detalles de participación (equipo necesario, condicións, etc) pódense leer na ficha a descargar.
Nota 2: É posible que vaian acompañantes menores cos participantes se así se cubre na ficha, asumindo o custe do desprazamento á illa. Os acompañantes adultos terían que ir pola súa conta.

Para calquera dúbida podedes escribir a info@caminoacaminovigo.org ou chamar ao 608046047.