O vindeiro sábado e domingo, con previsión climatolóxica favorable, está previsto facer un percorrido simultáneo por Sálvora (sábado), Ons (sábado e domingo) e Cíes (domingo). O plan de viaxe inicial e algúns dos contidos que se van abordar están recollidos na solapa "Illas Atlánticas 2015" (premer eiqui)
Prazas vacantes
Este xoves 7 de maio aínda quedan prazas dispoñibles a Ons para o sábado e a Cíes para o domingo.
Lembrar que hai que facer primeiro a preinscrición en 010 (986810260 se chamades dende móbil) e pasar a recoller o ticket por Casa da Xuventude antes das 20:00.
Hora de rexistro en Estación Marítima
Para poder facer o rexistro e cumprir cos horarios de embarque é preciso estar na Estación Marítima as 8:30.
Visitas do sábado a Sálvora e Ons
Debido ás condicións do mar previstas para este sábado será preciso facer o desprazamento a Bueu e a Cambados en autobús e logo embarcarse para Ons e para Sálvora, respectivamente.
En todo caso o punto de partida e de chegada seguirá sendo a Estación Marítima de Vigo, cos correspondentes axustes nos horarios das actividades. A chegada a Vigo prevese igualmente sobre as 20:00
Visitas do domingo a Cíes e Ons
Semella que as condicións de navegación para o domingo serían relativamente favorables para Cíes e para Ons, podéndo facer os desprazamentos íntegros en barco segundo estaba previsto
