Cunha previsión climatolóxica favorable para o domingo, está prevista a segunda etapa da Ruta da Auga entre Pazos de Borbén e os Valos (Redondela).
No inicio do percorrido curto visitaremos as mámoas de
Amoedo, un conxunto de monumentos megalíticos que a pesares de estar saqueados,
aínda manteñen a estrutura orixinaria, mesmo se poden ver as pedras da coraza,
que recubrían o túmulo de terra.
Tras un pequeno percorrido por unha zona alta con
impresionantes vistas, comezamos a descender ata o trazado da ruta da auga. Este traxecto bordea o concello de Redondela,
pola zona alta, dominando o fondo da ría de Vigo, a ensenada de San Simón.
O percorrido da ruta longa comeza subindo ata a pedra
Taió, onde recentemente se marcou a ruta das Pedras, en Ventosela, no Concello
de Redondela, co propósito de dar a coñecer unha das zonas mais ricas en
petroglifos do sur da ría de Vigo.
Ademáis, en ambos percorridos poderemos contemplar a progresiva explosión da natureza na primavera.
