ACCIÓN
DO VOLUNTARIADO DE CAMIÑO A CAMIÑO
Data:
Sábado, 14 de
xullo de 2012. Hora:
10:00h
Lugar: Invernadeiro de
VigoZoo.
Obxectivo: “Multiplicación
vexetativa de arbustos e algunhas árbores autóctonas por estaquillado para a
súa posterior repoboación en zonas liberadas de flora alóctona e invasora”.
Descrición:
Trátase de facer un
pequeno obradoiro de iniciación e informativo de cómo operar á hora de
reproducir, vexetativamente, árbores e arbustos sen agardar a recoller as
sementes e obtendo un clon, xenéticamente igoal, á planta patrón de onde se
saca o esquexo.
A reprodución ou
mutiplicación dalgunhas especies vexetais pódese facer a través de varios métodos. Un deles pode ser a través da sementeira das
sementes das propias plantas, arbustos ou árbores e outra, que nos vai ocupar
nesta ocasión, a través de multiplicación vexetativa.
A multiplicación
vexetativa da que nos imos ocupar, consiste en coller unha porción de planta
determinada e axeitada e conseguir que
dela saian raiceiras, para formar un
novo exemplar das mesmas características xenéticas do patrón do cal se extraeu.
Aplicarémolo en dous
tipos de estacas: as leñosas e as semileñosas.
·
Leñosas:
serán estacas de madeira dura, porcións dunha pola da que emerxen varios gomos.
Practícase sobre todo en arbustos caducifolios, aínda que tamén non se
descartan moitos de folla perenne.
Este
tipo de estacas leñosas recóllese en outono ou en inverno, cando están sen
follas. Podémolas conservar envoltas en feixes en parafilm no caixón inferior do frigorífico (+/-4ºC) para que conserven o letargo e a humidade, ou
gardalos nun sustrato area+turba (50:50) para espichalos no mes de febreiro.
·
Semileñosas:
estacas de madeira nova, branda, da que conservaremos algunhas folliñas
terminais.
·
No caso das poliñas de folla caduca colléremos
polas que teñan arredor dun ano de idade e dentre 7 e 9 milímetros e dunha
lonxitude de aproximadamente 20 cm. As poliñas deberanse cortar xusto por
embaixo dun nó ou gomo e o corte extremo superior irá cun corte inclinado co
vértice por riba de outro gomo, de xeito que a auga, cando lle caia, non esbare
cara ao gomo, poidendoo apodrecer. Por último deberemos eliminar xermolos ou
follas se os houbera para evitar a perda de auga en exceso.
·
Pola contra, en arbustos de
folla perenne, quitaremos somentes as follas inferiores, deixando só un
par de folliñas no extremo.
· Faremos estaquillado en
recipientes no invernadeiro, a cuberto, aínda que tamén, co tempo que vai e nun
lugar resgardado do Sol e con humidade espicharémolos no exterior, e plantados
direitamente no solo.
· Como sustrato, tanto para as especies
caducifolias como para as perennes usarase area ou perlita con turba ou terra vexetal, que non se apelmace e
facilite o desenrolo das raiceiras.
·
E por último e antes de plantar os
esquexes ou estacas, impregnaremos o estremo que vai soterrado no chan con
hormonas de enraizamento, para aumentar as probabilidades de éxito do
estaquillado, pero que en principio non son necesariamente imprescindibles.
Recursos e referencias:
